काठमाडौँ, २८ पुस। काठमाडौँ उपत्यकामा मंगलवार थप २ सय ५९ जना कोरोना संक्रमित थपिएका छन् । जसमा ११५ जना महिला र १४४ जना पुरुष छन् ।

स्वास्थ्य तथा जनसंख्या मन्त्रालयका अनुसार काठमाडौँमा २२१, ललितपुरमा २९ र भक्तपुरमा ९ जना गरी २५९ जनामा कोरोना संक्रमण देखिएको छ ।

आज थप ५ हजार ३ सय जनाको पीसीआर नमुना परीक्षण गर्दा देशभर थप ४३० जनामा कोरोना संक्रमण पुष्टि भएको छ। यही अवधीमा ३९० जना डिस्चार्ज भएका छन्। थप ५ जना कोरोना संक्रमितको मृत्यु भएको छ ।