काठमाडौँ, ६ असोज । पछिल्लो चौविस घण्टामा देशभर थप १३ सय ५६ जनामा कोरोना भाइरस (कोभिड-१९)संक्रमण देखिएको छ ।

स्वास्थ्य तथा जनसंख्या मन्त्रालयका अनुसार पछिल्लो चौविस घण्टामा देशभरका बिभिन्न प्रयोगशालामा ११ हजार १५४ जनाको पीसीआर बिधिबाट गरिएको नमुना परीक्षणका क्रममा थप १३ सय ५६ जनामा कोरोना भाइरसको संक्रमण पोजेटिभ देखिएको हो।

स्वास्थ्य तथा जनसंख्या मन्त्रालयको नियमित कोरोना प्रेस ब्रिफिङका क्रममा प्रवक्ता डा जागेश्वर गौतमले चौबिस घण्टामा १३ सय ५६ जनामा संक्रमण देखिएको बताए ।

यो संगै नेपालमा कुल संक्रमितको संख्या ६६ हजार ६३२ पुगेको छ । हालसम्म देशभर सक्रिय संक्रमितको संख्या १८ हजार १४२ रहेको छ ।

पछिल्लो २४ घण्टामा देशभर थप ८२३ जना उपचारपछि निको भएर डिस्चार्ज भएका छन् । यो सहित डिस्चार्ज हुनेको कुल संख्या ४८ हजार ९६१ पुगेको छ ।

देशभरका क्वारेनटिनमा ७ हजार १७१ जना रहेका छन् । होम क्यारेनटिनमा ८ हजार ९४९ रहेका छन् । त्यसैगरी संस्थागत आइसोलेसनमा ९ हजार १९३ सय जना रहेका छन् । त्यसैगरी देशभरका अस्पतालका आइसीयूमा १९६ जना र मेन्टीलेटरमा ३१ जना उपचाररत छन् ।