काठमाडौँका ४ सहित थप ११ जना कोरोना संक्रमितको मृत्यु, मृतकको संख्या ३७१ पुग्यो
काठमाडौँ, ३० भदौ । पछिल्लो चौबिस घण्टामा काठमाडौँका ४ सहित थप ११ जना कोरोना संक्रमितको मृत्यु भएको छ । जसमा ४ महिला र ७ जना पुरुष छन् ।
मृत्यु हुनेमा काठमाडौँको ८६ वर्षीया, सिराहा ३५ वर्षीया, वारा ५५ वर्षीया, रुपन्देहीको ६५ वर्षीया, महिला, सर्लाहीका ६४ वर्षीय, मकवानपुरका ६१ वर्षीय, वाराका ५५ वर्षीय कपिलवस्तुका ५८ वर्षीय, काठमाडौँका ३४, ९६ र ६६ वर्षीय पुरुषको मृत्यु भएको मन्त्रालयले जानकारी गराएको छ ।
यी सहित नेपालमा कोरोना संक्रमणबाट मृत्यु हुनेको संख्या ३७१ पुगेको छ ।
त्यसैगरी पछिल्लो चौविस घण्टामा देशभर थप १ हजार ४५९ जनामा कोरोना भाइरस संक्रमण देखिएको छ । भने थप १ हजार ६२ जना कोरोना जितेर घर फर्किएका छन् । हालसम्म देशभर सक्रिय संक्रमितको संख्या १५ हजार ७७९ रहेको छ ।
आइसीयूमा १७४ जना र भेन्टीलेटरमा २८ जना उपचाररत छन् ।
सम्पर्क इमेल : nepalihealthnews@gmail.com